Espoo Museum of Modern Art
Pyeri sämmilij aalmugpeivi! Luuvâ EMMA ivveest 2025 anarâškielân
Mij almostittep sämmilij aalmugpeeivi ihásávt uđđâs EMMA puáttee čáitálduvâin já tábáhtusâin. Uuđâs almostittoo sierâ iivij sierâ sämikieláid. Taan ive puávtáh luuhâđ mii ohjelmist anarâškielân!
Ive 2025 EMMA čáitálduvah juhloh tekstiilijd sehe materiaalij maaŋgâmuáđusâšvuođâ taiđust já hammiimist. Tábáhtusahkis pyehtih museon suotâs ääigiájánâsâid livemuusikist kreativláid puddáid!
Čáitáldâhohjelm álgá ivnij já kovosij šiärráámáin, ko Verholla (“Lasâlijneest”) -čáitáldâh kiäsá EMMA čáitáldâhviste printtimkággái taiđui. Uáinimist láá kággáh päštiváin taidârijn ain 1930-lovo rääjist.
Tekstiilij já kovetaiđuu materiaalij merhâšumeh tiäduttuvvojeh meiddei Karin Hellman (1915–2004) vuossâmuu vijđes museočáitálduvâst. Hellman lâi ohtâ Suomâ merhâšitteemuin kollaastekniik kiävttám taidârijn já sun ovtâstitij tuojijnis nuuvt uđđâsist onnum tekstiilijd, argâtävirijd ko suu kavnâm luánduamnâsijd.
Karin Hellman © Lilja Oey / EMMA
Oovtâ ääigi Karin Hellman čáitálduvváin museost lekkâs juávkkučáitáldâh Arte povera – Uusi luku (“Uđđâ loho”), mii totká nissoontaidârij porgâm Italiast hammâšum arte povera (“kievhis taaiđâ”) -taaiđâsunde vuoiŋâst 1960-lovvoost onnáá peeivi räi. Tyejeest tiäduttuvvojeh kreativlii porgâm proseseh, mittomiärálâš rähtimkooskâstvuotâ já spontaanlâšvuotâ.
Antti Laitinen © Ari Karttunen / EMMA
Kiđđâpaje allaan Muodinmuutos (“Muotinubástus”) -čáitálduvâst, mii puáhtá oovdân muoti äigikyevdilis koččâmušâid feerimlijn vuovvijn. Čohčuv taaidâr Antti Laitinen ráhtá EMMAn cilijdeijee vyevdi museo já Saastamoisii ruttârááju InCollection-čáitáldâhrááiđu uássin. Taidâr pyevtittâsân tijpâlávt ubâlâšvuotâ vuájudât ulmuu já luándu koskâvuotân sehe ääigi kuullâm koččâmuššáid absurd huumor peht.
Luuvâ lase čáitálduvâin suomâkielân.
Pris Niinikoski © Saara Vuola
Tábáhtusohjelm čohehkis láá eereeb iärrás Lasten museofestarit (“Párnái museofestivaal”), Priss Niinikoski Sonic mediations -performanseh já mielâstuttee EMMA Talks -savâstâllâmtilálâšvuođah, main vuájudâteh čáitálduvâi fáddáid. Museo fáálá mielân päccee taaiđâfeerimijd puohahasáid oles ive!
